إلى هؤلاء ... شكراً من الأعماق !

الشكر موصولٌ لهم .. لأنهم أصبحوا عملةً نادرةً في مجتمعنا اليوم .. إلى هؤلاء ...ألف شكر :)

شكراً ..
لكل واحد/ة بيقول شكراً لحد بيقدمله خدمة صغيرة كانت أو كبيرة ..
لكل حد بيقول لو سمحت ..بعد إذنك
لكل حد بيقول آسف
لكل حد بيقول معلش لما يضايقك من غير قصد
لكل حد مش بيقول ألفاظ تجرح أذن اللي بيسمعها
لكل حد بيفكر في الكلام قبل ما بيقوله
لكل حد بيحسن ظنه في اللي قدامه
لكل حد بيبتسم لما يشوفك
للي مبيقضيش نص عمره في الشكوى ..
للي بيحاول يصلح..
للي بيبذل مجهود ولو قليل عشان يوصل للي هو عايزه ..
للي بيساعد من غير مقابل ..
للي بيسلم على اللي بيعدي عليه حتى لو مش عارفه ..
للي بيحترم الكبير .. وللي بيحترم الصغير
لكل اللي بيعبر برأيه - مع أو ضد - من غير ما يهاجم الطرف التاني أو يطبله ..
للي بيحترم مجهود اللي قدامه ..
للي بيسأل عليك من غير ما يكون عايز حاجة ..
شكراً للي بيحاول دايماً يبقى أحسن ..
للي بيحاول يدي أقصى ما عنده ..
للي بيتفاءل ..ولو مش هيديك أمل ميديلكش يأس..
للي بيحاول وبيتعب ..
للي بيراجع نفسه علطول ..
للي بيراعي غيره..
للي بيدي أمل للي حواليه ..
شكراً للي بيتقي ربنا في غيره ..
للي بيفكر ويحس بغيره ..
للي بيرضى باللي ربنا بيقسمهوله ..
للقنوع ..
للأب اللي بيربي كويس..
للأم اللي بتحترم تفكير عيالها..
للأسرة المرتبطة اللي بتنتج طفل سوي ..
شكراً للي بيسامح ..
شكراً للي بيتغاضى...
للي بيدي للناس عذر ..
شكراً للي بيشتغل بضمير..
للي بيحترم مواعيده ..
شكراً للي بيضحي عشان غيره ..
طول ما انتم موجودين ..الدنيا لسه بخير ❤️

معلومات عن الكاتب
Student in faculty of mass communication Cairo university
أسماء المصري .. طالبة في كلية الإعلام .. الكلمات التي أخطها هي وحيٌ إلهي .. لا أجهد نفسي في ترتيبها وتنميقها .. إنما هكذا تملى عليّ :) أؤمن أن الحياة ستبتسم لي يوماً .. طوعاً أو كرهاً .. ولكنها ستبتسم :)