جبر الخواطر

جبر الخواطر

 

لا شك أجمل إحساس إن وقت الحزن تلاقي إيد تسعفك، كلمة تشد إنتباهك و تحركك و تدّخل الفرح جواك، تِهوُّن من الموقف و تخلّيك تقوم من تاني تكمِّل طريقك .. 

المواقف في حياتنا كتير من فشل و إحباط و يأس و بيعدِّي علينا لحظات ضعف كتير و بتبقى قدّامنا عتمه، فكلمتك يا هتزودها يا هتشيلها، إختار كلمتك، الوقت دا بنحتاج فيه لو كلمة واحدة بس تقوّينا.

هنلاقي فى ذاكرة كل واحد فينا إسم شخص سجل قدامه موقف رد عنه سوء، كلمة إيجابيه، رسالة جبرت بخاطرة، الشخص دا هيفضل معاك و طيفه هيجيلك في كل موقف صعب هتمر بيه .. 

علي غزلان حكى عن أديسون و إن كلمة واحدة من أُمُّه خلته يكون عبقري عصره و زمانه .. 

القصة :- 

أديسون فى يوم رجع من المدرسة و معاه جواب من المدرسة .. مامته أخدت الجواب و قريته كان مكتوب فيه ابنك غبي جدًا جدًا و من بكرا مش هندخله المدرسة " الحقيقة إنّه مكنش غبي ، كانت تصرفاته غريبة و جنونية إلى حد ما و هي بالنسباله مغامرات "  مامته عيّطت و انهارت بعد ما قرته .. و لما سألها بتعيّط ليه .. قالتله مكتوب إن إبنك ذكي جدًا جدًا جدًا لدرجة إنّنا مش هنقدر نعلّمه .. مامته قالتله أنا هعلمك .. و تمر الأيام و أديسون يكتشف الجواب و يكتب أن لولا مامته مكنش أديسون عبقري .. 

أمه جبرت بخاطره مكسرتهوش .. إدته دافع و حافز .. 

ربنا سبحانه و تعالى حثّناعلى جبر الخواطر و رسوله صلى الله عليه وسلم ..

في القرآن الكريم: 

قال تعالى : " فلما ذهبوا به و اجمعوا أن يجعلوه فى غيابة الجب و أو حينا إليه لتنبئنهم بأمرهم هذا و هم لا يشعرون " 

كان الوحى دا لتثبيت سيدنا يوسف و لجبر خاطره، لمّا كان مظلوم من أخواته ..

عن جابر بن عبدالله - رضي الله عنه - 

قال :- لقينى يا رسول الله .

فقالى لى :- يا جابر ، مالي أراك منكسرًا .

قُلت :- يا رسول الله ، استشهد أبي ( قُتِل يوم أحد و ترك عيالًا و دنيا ) .

قال :- أفلا أبشّرك بما لقى الله بك أباك ؟ .

قُلتُ :- بلى يا رسول الله .

قال :- ما كلّم الله أحدًا قط إلّا من وراء حجاب ، و أحيا أباك فكلمه كفاحًا .

فقال :- يا عبدي تمن عليّ أعطك .

قال:- يا رب تحييني فأُقتَل فيك ثانية .

قال الرب :- إنه قد سبق منّي أنّهم إليها لا يُرجعون .

 - هنا هنشوف إن الرسول - صلى الله عليه و سلم طيّب خاطره و أشرح صدره .. 

الحياة صعبة و منملكش إلا إنّنا نهون على بعضنا و لو بكلمة .. قبل ما نتكلم نفكر و نعدّي الكلام على قلبنا قبل عقلنا .. نعرف هتأثر إزّاي على الشخص دا ..