سكيزوفرينيا - الجمال في أبهي صوره: الأكل السوري

بصفتي شخص جرّب الوحدة .. و جرّب العزلة .. أقدر أقول ان كلها تجارب مريرة .. تجارب تكسر و تقسّي .. غير طبعا انها مادة خام للاكتئاب ..

بس كل ده هيختلف تماما لو اضفت " الغربة "

بحكم حبي السوريين و معرفتي بحكايات و مآسي الحرب في سورية و كمان معرفتي بطبيعة الحب الهستيري من السوريين بسورية .. مقدرش اوصف حال السوريين المتغربّين قهرا من بلادهم بسبب الحرب و الدمار .. واظن ان لو مكنش هروبهم من الحرب نوع من انواع الاجبار .. كانوا عملوا اجسادهم دروع بشرية ضد اي شئ ممكن يضر او يهدد بلادهم .. كان الله بعونهم ..

 شاء السميع العليم اني كالعادة اقضي رمضان بعيد عن اهلي .. و بالنسبالي طبعا حدث لو تعلمون عظيم .. الاحساس برمضان و لمة العيلة علي الاكل و كلامنا و حكايتنا و قمر الدين و غيره .. الموضوع اكبر من انه يتوصف ..

بس وسط كل ده .. سيطرت عليا فكرة اومال السوريين يعملوا ايه ؟ دول بُعاد عن البلد و الاهل و الوطن .. و متغربين في بلاد مفيهاش رمضان .. و ممكن يكونوا بيصوموا 19 و 20 ساعة و في الاخر بيفطروا لوحدهم .. او حتي اللي لسه في سورية .. بيفطر وهو علي كف عفريت و السفرة فيها كام كرسي فاضي مكنش فاضي رمضان اللي فات ..

 المهم .. جاتلي فكرة اننا نتشارك الاحساس ده و بدل ما كل واحد يفطر لوحده .. كل واحد يشاركنا بفطاره كأننا كلنا معاه .. و بعدها الفكرة واجهة حب كبير من السوريين انهم يصوروا فطارهم من كل مكان في العالم ويشاركوني ويشاركوا بعض بيه .. وسط حسرات المصريين و آهات من الاعماق علي ما انفقوا في ما يدّعون انه مسمي بالاكل ..

 

وكانت دي النتيجة




الاحساس برمضان و لمة العيلة علي الاكل و كلامنا و حكايتنا و قمر الدين و غيره .. الموضوع اكبر من انه يتوصف .. الفكرة هنا ...

Posted by ‎Promediaz بالعربى‎ on Monday, May 29, 2017
معلومات عن الكاتب
Student - Former Account Manager - Former Public Relations Adviser - Creative Writer - Blogger - Co founder at TEDxSmouha
.. عُمر الأسكندراني .. بدرس هندسة في جامعة الاسكندرية .. 23 سنة .. مُحب للتاريخ و علوم النفس و الاجتماع .. مُحب للرياضة و غير مُحب للرياضيات .. عَلماني ليبرالي يساري يميني اسلامي مُتشدد ..و من الناس اللي بتحب تفكر في الدين و بتتفكر في تطبيقه بيحب سورية و أهل سورية و أي حاجة من ريحة سورية متناقض جدا .. هادئ جدا .. عملي جدا جدا جدا